ගණේමුල්ලේ සංජීව නමින් හඳුන්වන සංවිධානාත්මක පාතාල නායකයාගේ ඝාතනයේ ප්රධාන සැලසුම්කාරිය ලෙස සැක කෙරෙන 25 හැවිරිදි ඉෂාරා සෙව්වන්දි අත්අඩංගුවට ගැනීමට ශ්රී ලංකා පොලිසිය දැවන්ත මෙහෙයුමක් දියත් කරලා තියෙනවා. ආරක්ෂක නියෝජ්ය අමාත්ය සුනිල් වටගල පවසන විදිහට, මේ සඳහා පොලිස් කණ්ඩායම් 11ක් රට පුරා යොදවලා තියෙනවා. ඒ විතරක් නෙමෙයි, ඩුබායි රාජ්යයටත් විශේෂ පොලිස් කණ්ඩායමක් යවලා තියෙන බව ඔහු හෙළි කළා. කොළඹ අපරාධ කොට්ඨාසයේ තවත් කණ්ඩායම් දෙකක් මේ මෙහෙයුමට එකතු කරලා, විදේශගත පාතාල නායකයන් මෙරටට ගෙන එන්නත් සැලසුම් හදමින් ඉන්නවා.
නියෝජ්ය අමාත්යවරයා කියන විදිහට, ඉෂාරා සෙව්වන්දිට විදේශයට පැනල යන්න ඉඩක් ලැබිල නැහැ කියල සැක කෙරෙනවා. ඇය තවමත් ශ්රී ලංකාව ඇතුළේම ඉන්නවා කියල තොරතුරු ලැබිල තියෙනවා. මේ වෙනකොට, ඝාතනයට සම්බන්ධ 10 දෙනෙක් අත්අඩංගුවට ගෙන රැඳවුම් නියෝග ලබාගෙන දීර්ඝ විමර්ශන ආරම්භ කරල තියෙනවා.
වටගල මහතා තවත් හෙළි කළේ, ඩුබායි සිට මේ ඝාතනය මෙහෙයවුණ ආකාරය ගැනත්, ඉෂාරා 2024 නොවැම්බර් මාසයේ සිට වෙඩික්කරු එක්ක මිතුරුකමක් ඇති කරගෙන මේ සැලැස්ම හදපු හැටි ගැනත් පොලිස් විමර්ශනවලින් අනාවරණය වෙලා තියෙනවා. වෙඩික්කරු ලෙස අත්අඩංගුවට ගෙන ඉන්න පුද්ගලයා අයිස් මත්ද්රව්යවලට ඇබ්බැහි වුණ කෙනෙක්. ඒ නිසා ඔහුව ඝාතනයට පුහුණු කරගන්න ඉතා පහසු වුණා කියලත් තොරතුරු එළියට ඇවිත් තියෙනවා.
මේ ඝාතනයට උදවු කළ පොලිස් නිලධාරීන් ගැනත් දැන් බුද්ධි අංශ විමර්ශනයක් පටන් අරන්. ඩුබායි සිට මෙහෙයවුණ මේ සිද්ධියට සමහර පොලිස් නිලධාරීන්ගේ සම්බන්ධයක් තිබුණද, ඔවුන් පාතාල කල්ලි සාමාජිකයන් එක්ක තොරතුරු හුවමාරු කරගත්තද කියන එකත් හොයන්න විමර්ශන යනවා කියල වටගල මහතා තහවුරු කළා.
මේ සිද්ධිය ශ්රී ලංකාවේ පාතාල ලෝකය ගැන නවතම සංවාදයක් ඇති කරල තියෙනවා. විශේෂයෙන්ම, කාන්තාවන් පාතාල ක්රියාකාරකම්වලට වඩ වඩාත් සම්බන්ධ වෙන බව මේකෙන් පේනවා. ඉෂාරා සෙව්වන්දි වගේ තරුණියක් මේ වගේ ඝාතනයක ප්රධාන චරිතයක් වෙන එකෙන්, පාතාල ලෝකයේ කාන්තා භූමිකාව ගැනත් අලුත් බලපෑමක් ඇති වෙලා තියෙනවා. ඒ වගේම, ඩුබායි වගේ විදේශ රටවල්වලින් මෙරට පාතාල කටයුතු මෙහෙයවෙන ආකාරයත් මේකෙන් එළියට ඇවිත් තියෙනවා.
ආරක්ෂක අමාත්යාංශයට අනුව, ගණේමුල්ලේ සංජීවගේ ඝාතනය පිටුපස පාතාල කල්ලි අතර තියෙන බල අරගලයක් තියෙනවා. මේක රටේ පාතාල ලෝකයේ බලය ගන්න යන සටනක කොටසක් කියලත් ඔවුන් කියනවා. මේ ඝාතනය සැලසුම් සහගතව සංවිධානය කරපු එකක් නිසා, ඒකට හේතු වුණ සැබෑ කාරණා හොයන්න පොලිසිය දැඩි වෙහෙසකින් වැඩ කරනවා.
ඉදිරි දවස්වලදී ඉෂාරා සෙව්වන්දිව අත්අඩංගුවට ගන්න පුළුවන් වෙයි කියල පොලිසිය බලාපොරොත්තු වෙනවා. ඇය අත්අඩංගුවට ගත්තම මේ ඝාතනය ගැන තවත් වැදගත් රහස් එළියට එයි කියලත් හිතනවා. ඒ වගේම, ඇය එක්ක සම්බන්ධ වුණ පොලිස් නිලධාරීන්වත්, ඩුබායි සිට මේක මෙහෙයවපු පාතාල නායකයන්වත් මෙරටට ගෙන එන්න කටයුතු කරනවා.
බැංකු ගිණුම් පරීක්ෂා කිරීමෙන්, ඝාතනයට යොදවපු මුදල්, ඒවා ආපු ආකාරය, ඒවා ගලා ගිය විදිහ ගැනත් තොරතුරු හෙළි වෙයි කියල බලාපොරොත්තු වෙනවා. මේ වගේම, මේ සිද්ධියේ ප්රගතිය ගැන ඉදිරි දවස්වලදී අධිකරණයට වාර්තා ඉදිරිපත් කරන්නත් පොලිසිය සූදානමින් ඉන්නවා.
ඉෂාරා සෙව්වන්දි දැන් ඩුබායිද, නැත්නම් ලංකාවේම රැඳිල ඉන්නවද කියන එක තවමත් රහසක්. ඒත් මේ මෙහෙයුමෙන් ඒ රහසත් එළියට එයි කියල රටම බලන් ඉන්නවා!
