.png)
සබරගමුව විශ්වවිද්යාලයේ තාක්ෂණ පීඨයේ ඉගෙනුම ලබන 22 හැවිරිදි පිරිමි සිසුවෙක්, ජ්යෙෂ්ඨ සිසුන්ගේ දැඩි රැගින් හේතුවෙන් විශ්වවිද්යාලයේ නේවාසිකාගාරයේදී සියදිවි හානි කර ගෙන තිබෙනවා. මෙම සිසුවා රත්නපුර ප්රදේශයේ පදිංචිකරුවෙක් බව වාර්තා වෙනවා.
සිසුවාගේ දෙමවුපියන් පවසන්නේ, ඔහුට ජ්යෙෂ්ඨ සිසුන් විසින් දිගින් දිගටම මානසික හිංසනයක් එල්ල කර ඇති බවත්, එම පීඩනය නිසා මෙම අවාසනාවන්ත තීරණය ගත් බවත්ය. සිදුවීමෙන් පසු, විශ්වවිද්යාල පරිපාලනය විසින් රැගින් සිද්ධියට සම්බන්ධ බවට සැක කෙරෙන සිසුන් කිහිප දෙනෙකුගේ අධ්යයන කටයුතු තාවකාලිකව අත්හිටුවා ඇති අතර, මේ පිළිබඳ විමර්ශනයක් ආරම්භ කර තිබෙනවා.
රත්නපුර පොලිසිය ද මේ සම්බන්ධයෙන් විමර්ශනයක් ආරම්භ කර ඇති අතර, රැගින් සිද්ධියට සම්බන්ධ සිසුන්ට එරෙහිව නීතිමය ක්රියාමාර්ග ගැනීමට සූදානම් බව පොලිස් ආරංචි මාර්ග සඳහන් කරනවා. මෑතකදී ශ්රී ලංකාවේ විශ්වවිද්යාලවල රැගින් හේතුවෙන් සිසුන් මානසික පීඩාවට ලක්වීමේ සිදුවීම් ඉහළ ගොස් ඇති බවත්, මෙවැනි ඛේදවාචක වැළැක්වීමට දැඩි පියවර ගත යුතු බවත් අධ්යාපන බලධාරීන් අවධාරණය කරනවා.
%20(1).png)
