Photo by Foodie Factor: https://www.pexels.com/photo/jack-daniel-s-bottle-543725/
Jack Daniel's කියන්නේ ලෝකයම දන්නා නමක්. නමුත්, මේ iconic whiskey එක නිර්මාණය වීම පිටුපස ඇත්තේ වහලෙකු වූ කළු ජාතික Master Distiller කෙනෙකු සහ අනාථ වූ සුදු ජාතික තරුණයෙකු අතර තිබූ අසාමාන්ය Mentorship කතාවකි.
1849 වර්ෂයේ ජනවාරි මාසයේදී පමණ ඇමරිකා එක්සත් ජනපදයේ ටෙනසි ප්රදේශයේ ලිංච්බර්ග් ගම්මානයේ ජැස්පර් නිව්ටන් ඩැනියල් (Jasper Newton Daniel) උපත ලබනවා. කලවෙයි හා ලුසින්ඩා මැටිල්ඩා යුවළගේ දරුවන් දස දෙනෙකුගෙන් යුත් පවුලේ බාලම පුත්රයා වූ ජැස්පර් උපතින්ම ඉතා අවාසනාවන්තයි. ඔහුගේ මව ඔහු බිහි කළ විගසම මිය ගිය බව පැවසෙනවා. (ඔහුගේ උපන් දිනය පිළිබඳ නිශ්චිත වාර්තා නොමැති වන්නේ ගින්නකින් ලේඛන විනාශ වීම නිසා බව කියැවෙනවා. එය ඔහු වටා ඇති අභිරහස් (Mystery) තවත් වැඩි කරන කරුණක්).
1851 වසරේදී ජැස්පර්ගේ පියා නැවත විවාහ වූ අතර, කුඩම්මා සමග ඇති වූ ගැටලු නිසා ඔහුට නිවසෙන් බැහැර වීමට සිදු වුණා. දහ වැනි වියටත් පෙර කුඩා ජැස්පර්, දේවගැතිවරයෙකු (Preacher) වූ ඩෑන් කෝල් (Dan Call) සතු ස්කාගාරයක (Distillery) රැකියාවට ගියා. මෙම කාලයේදී තමයි ඔහු "ජැක් ඩැනියල්" (Jack Daniel) ලෙස හැඳින්වීමට පටන් ගත්තේ.
Uncle Nearest හමුවීම
ඩෑන් කෝල්ගේ ස්කාගාරයේ සිටි ප්රධානම මත්පැන් නිෂ්පාදකයා වුණේ නේතන් 'නිඅරස්ට්' ග්රීන් (Nathan 'Nearest' Green) නම් කළු ජාතික වහලෙක්. ඩෑන් කෝල්, ජැක්ට ඔහුව හඳුන්වා දුන්නේ "Uncle Nearest" නමින්.
නේතන් ග්රීන් යනු ඇමරිකාවේ වහල්භාවයේ සිටි අප්රිකානු ජාතිකයෙකුගේ පුත්රයෙක්. වහල් සේවයෙන් නිදහස ලැබීමෙන් පසුව පවා නේතන් ග්රීන් ඩෑන් කෝල් සමග සේවය කිරීමට කැමැත්ත ප්රකාශ කළා. මොහු සතුව තිබුණේ විස්කි (Whiskey) නිෂ්පාදනය පිළිබඳව සුදු ජාතිකයන්ට වඩා හොඳ දැනුමක්.
නේතන් ග්රීන් සතුව තිබූ විශේෂ Formula එක වූයේ සීනි මේපල් ලී අඟුරු (Sugar Maple Charcoal) භාවිතයෙන් විස්කි පිරිපහදු (Filtering) කිරීමේ ක්රමයයි. මෙය ලින්කන් ප්රාන්ත ක්රියාවලිය (Lincoln County Process) ලෙස හැඳින්වෙන අතර, ටෙනසි විස්කි (Tennessee Whiskey) බෝර්බන් (Bourbon) වලින් වෙනස් කරන ප්රධානම සාධකය මෙයයි. සමහර ඉතිහාසඥයන් විශ්වාස කරන්නේ මෙම ක්රමය බටහිර අප්රිකානු ජාතිකයන් ජලය පිරිපහදු කිරීමට භාවිතා කළ ක්රමයකින් Inspired වූ බවයි.
නේතන් ග්රීන් යටතේ ජැක් ඩැනියල් ව්යාපාරය පිළිබඳ හොඳ පුහුණුවක් ලැබුවා. නේතන් ග්රීන් ඇමරිකාවේ වාර්තාගත ඉතිහාසයේ සිටි ප්රථම අප්රිකානු-ඇමරිකානු Master Distiller ලෙස අදටත් සැලකෙනවා.
Jack Daniel's Brand එකේ වර්ධනය
1866 වර්ෂයේදී ජැක් ඩැනියල් විසින් තම ස්කාගාරය නිල වශයෙන් Register කරනු ලැබුවා. (සමහර වාර්තා වලට අනුව 1875 දී ලියාපදිංචි කළ බව සඳහන් වුවත්, ලේබලයේ 1866 සඳහන් වන අතර, එය ඇමරිකාවේ ප්රථම ලියාපදිංචි කළ ස්කාගාරය ලෙස සැලකෙනවා).
ජැක් ඩැනියල්ගේ ව්යාපාරය ආරම්භ කළ විගසම ඔහුගේ ප්රථම සේවකයන් වූයේ නේතන් ග්රීන්ගේ වැඩිමහල් දරුවන් තිදෙනා වන ජෝර්ජ්, එඩී සහ එලී ය. 1884 වන විට ජැක් ඩැනියල් ස්කාගාරය අදටත් පවතින ලිපිනයට (55 Lynchburg, Tennessee) මිලදී ගෙන තම ව්යාපාරය පුළුල් කළා.
ජැක් ඩැනියල්ගේ මේ සියලු සාර්ථකත්වයන් පිටුපසම සෙවණැල්ලක් වගේ සිටියේ නේතන් නිඅරස්ට් ග්රීන් සහ ඔහුගේ පවුලයි. ජැක්, නේතන් ග්රීන්ගේ දරුවන්ට සහ මුණුබුරන්ට පවා තම ස්කාගාරයේ රැකියා ලබා දුන්නා. මේ නිසා ග්රීන් පවුල ක්රමයෙන් ධනවත් (Wealthy) පවුලක් බවට පත් වුණා.
1904 වර්ෂයේදී St. Louis World Fair එකේදී Jack Daniel's Old No. 7 විස්කි පානය Gold Medal එකක් දිනා ගත්තා. එය එම විස්කි පානයේ ගුණාත්මකභාවය පිළිබඳව ලැබුණු ප්රථම සහතිකයයි.
ජැක් ඩැනියල් කිසි දිනෙක විවාහ නොවූ නිසා, 1907 දී ඔහු තම ව්යාපාරය ඔහුගේ සහෝදරියගේ පුත්රයෙකු වූ ලෙමුවෙල් 'ලෙම්' මොට්ලෝ (Lemuel Motlow) වෙත පැවරුවා. 1911 වසරේදී ජැස්පර් නිව්ටන් ඩැනියල් ජීවිතයෙන් සමුගත්තේ මේ දැවැන්ත ව්යාපාරයේ Legacy එක ඊළඟ පරම්පරාවට භාර කරමින්.
අද වන විට Jack Daniel's සමාගම වසරකට විස්කි කේස් මිලියන 16කට වඩා නිෂ්පාදනය කරන Global Brand එකකි. ජැක් ඩැනියල්ගේ කතාව යනු අනාථ තරුණයෙකුගේ Entrepreneurial Spirit එක සහ Uncle Nearest නම් වූ African-American Master Distiller ගේ Unrivalled Skill එක එකතුවීමෙන් බිහි වූ Success Story එකයි.
ඔහුගේ ගෞරවය වෙනුවෙන් "Uncle Nearest Premium Whiskey" නමින් අදටත් විස්කි වර්ගයක් නිෂ්පාදනය කරනු ලබනවා.
